de daamp van reiten daoken, in wintermörgen wit
café’s an de Hoofdstraot, bakkers, kark, schoel, schilder, snieder en de smid
de stille zummeraovends, de dunder en het bange kind
de liedties die mien moeder zung, bint verweeid in de wind
net as de jaorenaole bakken, van vrijgezellen op heur kruk an de tap
die zundag gung ik op de brommer vort, veur ’t eerst met ‘n wichtie bij mij achterop
nee, dat zal ik nooit vergeten, zoas de smaok van ’t eerste glas bier
of de blues van Cuby and The Blizzards, op de zummerkermis hier
die aovend in café Hofstee, scheuf ik wat onwennig an de tap
naost Bé die as ienige vrijgezel overbleef van de aole hap
en wij preuten wat over vrogger, en hij zee Grol is nog aaid zoas ’t was
der is zoveul te doen in Grol, zummers ligt ze hier naokt bij de plas
en hij prebeerde mij oet te leggen, waorum as e bleven is
maor zien verhaol stoekte met ‘n snik, en ’n traon van droevenis
tied veraandert alles, dèenk je: maor dat is maor schone schien
maangs is ’t niks as ’n likkie vaarf, over ‘n diepe stille pien
ooh Grolloo ooh Grolloo
schriefster Ella Winter zee tegen Thomas Wolfe
You know Thom, you can’t go home again
zo is ’t nou maor net jongs waorum wi’j daor ok aol weer hèen
want tied holdt jao gien schoft jongs, nee, tied is een mal ding
vrogger, hahaha vrogger, leg in de motteballen
in de motteballen van je herinnering
en toen ik laoter die naacht, in het vaole locht van ’n neie dag
mien eigen spiegelbield ’n beetie dubbeld, in ’n glaozen baander zag
toen wus ik wat hier vrumd was, en ’n stem zee
Jong: ’t is beter daj maor gaot
beter daj aal die herinnerings, maor mooi in Grolloo rusten laot
ooh Grolloo ooh Grolloo
Egbert Meyers © Promuze 1993, 2013