de haarfst nevelt over ’t laand ’t jaor wordt al aold
de eerpelpoters moet under dak veur de winterkaol’
mien vaoder ment Leona hij is ‘n bedaachtzaome man
zie is een jonge Belg zie bint saomen ’n goed span
mien vaoder ment Leona naor ’t natte eerpellaand
de waogen met de poters mot oet het modderige zaand
Leona zet ies stevig an zie kent jao gien protest
ik heur ‘t zeel al kraoken zie is klaor veur de test
Leona van Berti, Leona van Berti
zie ‘s mooi, stark en betrouwbaor, Leona van Berti
mien vaoder hef heur lös an de leide ik kiek beneid naor ’t tafreel
Leona begunt te zwieten schoem op heur börst en ’t zeel
aodem stoomt oet heur neus het tuug zit kraokend stief
dan gled ze vort in de modder en vaalt haard op heur lief
mien vaoder prat met Leona streelt heur maonen en heur nak
de oren speult as ze luustert heur ogen bint groot en mak
dan komp ze weer in de bienen zie begrep zien dialect
het is een klein haarfstwonder as ze de waogen oet de modder trekt
Egbert Meyers © Promuze 2011