de maon kleurt as ’n bosbraand
’t oosten oranjerood
op ‘t terras Duo Paradis
aole hits met Fraanse noot
laampies braandt in zaachte kleur
Marie-José brengt aal weer wien
wij drinkt maor, op neie vrundschap
en vergeet aole pien
mörgenzun met Van Gogh palet
rood-gruun geel-sang en blauw
met ’n vaol oranje kleur
op ’t dak van ’n gries gebouw
oh ’t laand van zaachte zummer
mak mij bliede as ’n kind
ik pruuf ’t met volle teugen
in ’t laand waor liefde wint
daog zunder zörgen
daog as haute cuisine
daog zunder mörgen
as Natalie en James Dean
krekels striekt heur naachtconcert
nou Duo Paradis ’t wil
allèn ’t zaachte dennensoezen
wieder is ’t stil
kom en heb mij lief
slao je aarms um mij hèen
speul met mij tot mörgenvro
het spel met quattre main
Egbert Meyers © Promuze 2020